خلص العام الدراسي وصرت فرحان
بس طلعت راسب في الامتحان
رجعت البيت وأنا قلقان
حصلت الوالد منتظرني وهو غضبان
اتاريه عارف بالنتيجه من ابن عمي سعيدان
قلت في قلبي: بوريه هالدب الفتان
عطاني الوالد كفين وبوكس وقال لي: ما في منك فايده انته ولد خربان
دخلت غرفتي وأنا زعلان
قلت لنفسي: اسمع يا ولد روح شغل الكمبيوتر بدون ما يدري ابوك الطفشان
فتحت باب مكتب الوالد وركضت شوي شوي مثل ركضت الفئران
وصلت للكمبيوتر وفتحته وانا اضحك مثل السكران
قالي الكمبيوتر: يا هلا والله بالولد الخربان
قلت له: أشتغل وأنت ساكت - لسانك طويل ما منه أمان
قال الكومبيتور: الشرهه مو عليك أنت ولد فسدان
دخلت النت وفتحت على الشات اللي بالناس عمران
حصلت اسامي كثيره دلوعه سمسومه ونمله ما ناقص الا أشوف اسمي عليان
جلست ادور وفي النهايه طاحت عيني على وحده مسميه عمرها شهريان
سويت كليك على اسمها وكلمتها ... وقلت لها: يا هلا والله بالرمان
قلت متى ترد علي وتكلمني تراني إنسان ولهان
نطرت وبعد 5 ثواني حصلت رد صغير وحلو يقول: تسلم لي يا جنتل مان
قلبي دق وطرت من الكرسي مثل الغراب الفرحان
قلت لها: من وين انتي يا زمرد يا فرقدان ؟
ردت على من البلاد العربيه ... وانت يا فلان؟
قلت لها: من بلاد العرب المليانه ظلم وطغيان
قالت لي: صدقت ...والله انك انسان فهمان
قلت لها: شو اسمك وكم عمرك ووين تدرسي ؟؟ اذا بالامكان
ردت على وبكل ذوق ...انا اسمي (Mena ) 22 سنه ..جامعيه وممثلة سينمائية وانت يا فلان
قلت: أخ هذي اكبر مني وجامعيه وومثلة بعد وانا بعدني احوس في الثانويه مثل الجربوع العرقان
رديت عليها وقلت: انا اسمي ( عزام) 23 سنه ..واشتغل في مدينه فرنسية اسمها كان
وانا بيني وبينكم ما اعرف شو هذي كان ووين موجوده بس سمعت انه يسوا فيها مهرجان
قالت لي: وشو تسوي يا (عزان ) في كان
قلت لها: صديقي (حبي الكويت) عنده فندق ومخليني مدير عليه وفي الحقيقه ورطان
قالت لي: على كذا اكيد لفيت أوروبا يا كابتن يا زيدان
قلت لها: انا ما احب اروح الا لندن وباريس مع اني ما رحت الا السودان
قالت لي: اكيد كونت صداقات في هذه البلدان
قلت لها: اتعرفت على كثير بس ما اذكر إلا مايكل وجون وولد عمي سعيدان
وانا صراحه ما اعرف الا واحد مأذيني اسمه عصمان
كل يوم يتسلف مني وعلى باله بيفتح شركه ألبان
سألتني شو نوع السياره الي تسوقها يا (عزام) يا ابن فلان
قلت لها بورش موديل 2004 وانا ما اسوق الا بيك اب موديل 79 مال ايام زمان
قالت لي: الله يزيدك من نعيمه كمان وكمان
ما انتظرت ردي وسألتني ....انت مرتبط ولا بعدك عايش في عالم العزوبيه والتوهان
قلت لها: انا وحيد وما في حد يشارك قلبي بالأحزان
قالت لي: انا هنا جنبك ما رحت ولا بروح مكان
رديت عليها وقلت: انا كلني لك قلبا وعقلا ووجدان
قالت لي: ابي اسمع صوتك تراك وايد عجبتني حسيت انك انسان فنان
قلت لها: وانا اكثر لاني صرت بحبك هيمان
بس اخاف تسمعي صوتي وتقولي شو هالطرزان
قالت لي: ولا يهمك انا قابله فيك حتى لو كنت حيوان
عطني رقمك وانا اتصلك خلال ثوان
قلت لنفسي: خلاص البنت ذابت وصار حبي في قلبها مليان
توني بأكتب الرقم واحس بهالساطور فوق كتفي غليان
رفعت راسي فوق مثل الاهبل فزعان
ما اشوف الا الوالد جاي لي من غرفته زحفان
قال لي جالس فوق الكمبيوتر مثل الفيل الهربان
امشي للغرفه بوريك انا بخليك تغني اغنيه كنت نسيان
وهو يسحبني من رقبتي مثل الثور الصعران
حصلت رساله منها تقول: وينك عزام عطني رقمك خليت قلبي ولهان
قلت: مسكينه !!! تحسبني مليونير وساكن في كان
ما درت عني أني من قرية جنب وادي جيزان
(( وما اقول الا آه منك يالشات خليت الناس عايشين في عالم الكذب والخذلان ))
